Pois ben hoxe quero facer especial mención a un artigo que hai escrito e que me parece moi interesante do cal vos poño un extracto e para leelo enteiro premede no seguinte enlace:
O BAILE DA YENKA DE FEIJOO COS PENSIONISTAS:
"Izquierda, izquierda,
Derecha, derecha,
Adelante atrás
Un, dos, tres!"
A canción de verán do ano 1965 é a mellor metáfora da improvisación, a lixeireza e a demagoxia electoralista de Feijóo, demostrada máis unha vez, agora con estrépito, con motivo do famoso complemento autonómico de 200 euros anuais ás pensións non contributivas (máis de 50.000 perceptores): unha das medidas estrela da Vicepresidencia da Igualdade e Benestar do Bipartito.
Tras anunciarse o pasado domingo a supresión orzamentaria do devandito complemento (que ascendía apenas a 10 millóns de euros; unha terceira parte do que se leva gastado no Plan Remóvete de axudas á adquisición de coches), e diante da falta de argumentos minimamente sólidos que a defenderan (Ruiz Rivas mesmo currouse un "eólico", ou sexa, dixo que a cousa era "ilegal"), o martes pola tarde Feijóo reúnese con Beatriz Mato, e supoñemos que coa Conselleira de Facenda, e acaba anunciando no Pleno do Parlamento de onte que...o complemento non se suprimiu, preme aqui para seguir lendo...Primeiro suprimen, logo non, primeiro é ilegal agora xa non, que se vaian aclarando.
