A volta ao cole

O artigo desta quincena no Aturuxo:

Este ano coa volta ao colexio volvemos a tempos pasados onde nos atopamos cun gran desembolso económico que moitas familias teñen que facer para mercar os libros ante o inicio do curso escolar. Estes últimos anos o sistema de préstamo de libros facía máis levadeira a volta ó colexio porque si cun cativo o custe xa é elevado imaxinade os que teñen dous ou tres. O gasto medio dun cativo que comenza no colexio está entre os 200€ e 300€. Coa chegada do novo goberno, e o seu afán de borrar calquera pegada do bipartito, anularon a gratuidade dos libros. O ensino é obrigatorio polo tanto as axudas para as familias deberían ser as máximas posibles e sobre todo se temos en conta que estamos en época de crise.

En Sanxenxo o BNG e o PSOE presentaron unha moción cada un para pedir a gratuidade destes libros que o grupo de goberno rechazou: non ían ir contra dos mandatos da Xunta. Neste pleno a alcaldesa xustificaba que non era bo que os nenos utilizasen libros doutros nenos. Os libros de texto cambian cada 4 anos por iso este ano hai cursos no que os libros non se cambiaron e séguese usando o sistema de préstamo pero para o ano, os libros novos que foron mercados xa no se poderán usar no sistema de préstamo, xa que se eu pago eses libros son meus e non do sistema educativo. Por iso o empréstito, é bo ou malo?

Para seguir lendo preme aqui: Aturuxo