Acumulando tesouros

Botando a vista atrás e despois do que estos días estou a ler na prensa veume o recordo de cando en febreiro do 2.004 Telmo Martín anunciaba que se creara o Corpo de Policía Ambiental formado por dúas persoas e que percorrerían o municipio en busca de ilegalidades. Presentouse na praia para expresar que o obxectivo deste novo servizo ia ser rastrear toda a costa na busca de pozos negros e fosas sépticas, así como as infraccións ecolóxicas que se produciran como escombreiras incontroladas, verquidos o mar , etc.... Este corpo da policía desenrolaría inspeccións dende a Arnosa ata Areas vixiando así as duas rías que bañan este concello. Este novo corpo sustituirian a labor que dende o 2001 viñan realizan algúns policías locais que circulaban en moto polo concello controlando este tipo de delitos e así o ter uns axentes especializados nestes casos o control e actuacións sobre este tipo de delitos seria máis rápido e eficiente. Porque o que non pasa nun ano, pasa nun día.
Despois destes anos eu pregúntome se este servizo e eficaz pois os vertidos a praia de Nanín seguen pasando e cústalle varios días atopar a causa dos mesmos e piden axuda a empresa Espina & Delfín para dar con ela.
Se paseamos polos nosos montes, os poucos que quedan, vemos como as escombreiras continuan alí meses ou aparecen outras novas. Como exemplo temos Monte Faro, Padriñán, un monte en Dadín,...
Prodúcense talas de carballos, castiñeiros, ... sen que se teñan conta a súa protección ecolóxica nin a súa antigüidade e unha vez cortados adios problema, exemplo: A carballeira de Bordóns.
Canalízanse rios e regatos para obrar porque é máis importante o ladrillo que o medio ambiente e logo cando cheguen as choivas e a auga busque o seu curso produciranse as enchentes e as inundacións e todos se preguntaran cal é a causa, xa que o lume apágase con auga pero a auga non se apaga con nada, como é o caso dos regatos que pasaban por Sanxenxo: río Lavapanos,.... E noutros casos cerran fincas ocupando os baldíos dos terreos que estan a beira dos regatos como en Dorrón. Noutros casos os ríos serven como basureiros como é o caso do río Fabaiños.
Despois temos a limpeza de algunhas fincas que moito presumir de que se levou a cabo a limpeza dunha franxa de protección contra incendios e logo ti miras para algunhas fincas como a maleza invade os camiños, as beirarrúas, ... e te preguntas se non hai notificación para obrigar a sua limpeza ou e que pertencen a xente exenta destes requirimentos.
E así un sin fin de delitos que no ano no que vivimos non deberiamos estar a nomealos pero todo isto pasa por non ter acabado o saneamento do concello, por non ter separado as augas pluviais das fecais, por non impor multas fortes os causantes das escombreiras, por non esixir o limpeza dos matorrais que invaden espazos públicos, polo pasotismo dos encargados de vixiar que non se cometan estos delitos porque se hai duas persoas encargadas de vixiar estos feitos e non é un concello tan grande ¿a que se dedican para non ver o que o resto vemos? Porque sentados na oficina ou facendo outro tipo de tarefas non creo que se vexan as cousas e non hai que esperar a que as denuncien a oposición ou os propios veciños senón que teriades que anticiparvos o resto e así desempeñar a función que se vos encomendou a non ser que este corpo especializado xa se disolvera e non se nos comunicara os cidadáns.
Outra das razóns pola que pode existir e a descoordinación entre concellalias pois Persoal correspóndelle a Salvador, Mediambiente a Manuel López (Illa) e Obras a Tino así que os pobres locais deben estar preguntándose a quen lle fan caso primeiro e logo a quen lle entregan o correspondente informe.

As felicitacións por un feito levado a cabo en tempo non se poden dar mentres haxa delitos ambientais que pasan desapercibidos para os ollo dos encargados de cumprir que non se produzan por todo elo non me queda máis que pedir que se intensifiquen os controis así como as medidas disuasorias e se leven a cabo as multas necesarias e exemplificantes para que isto non siga pasando no noso concello e que teñan presente a seguinte frase: “Ningún hombre conoce lo malo que es hasta que no ha tratado de esforzarse por ser bueno. Sólo podrás conocer la fuerza de un viento tratando de caminar contra él, no dejándote llevar."
Clive Staples Lewis (1898-1963) Escritor británico.

E non so teño que mencionar este corpo senón tamén o Corpo de Delitos Urbanísticos que neste concello é básico pero seria moi largo para un so artigo así que nos próximos días faremos un explicando a labor deste corpo e os logros acadados dende a súa creación.

Vai a ser que vendendo FERTHIMON nadie se fai RICACHON"

Como se pode deducir do título hoxe o artigo esta adicado a Salvador Dúran (399.326 ptas/mes; 28.800 €/ano; dedicación parcial) Concelleiro de Persoal e Seguridade Cidadá.

Un concelleiro que antes de adicarse a política adicábase a vender nitramón, ratibron, sementes, abonos,.... ademais de outros articulos necesarios para o campo, pero claro según conta a familia o negocio non ia ben e entón tomou a decisión de meterse na política a pesar que parte da familia inda hoxe non se explica esa decisión despois de estar loitando contra a Ronda debido a que parte da familia estaba afectada pola dichosa ronda vai e acepta a oferta do PP (¿xa sabería o soldo daquela?) e non é de estrañar que o negocio vaia decaendo pois estamos nun concello que non reservou ningún metro a protección agrícola co cal dentro de pouco seranos difícil poñer leitugas, pementos,..., ou as famosas cebolas, que se venden o día de Santa Rosalía, nas nosas hortas por se algún mal veciño nos denuncia verémonos abocados a replantear os cultivos e adicar os metros de terra a xardín, pero xa se sabe que mandar rapaces á vendimia é cousa perdida.

Salvador e un dos concelleiros que máis deu que falar este verán pois a menudo almorzamos coas súas ocorrencias na prensa cando non era para falar que habían contratado a menos socorristas que o ano pasado (o que nunca contou foi que despediron a 2 que estaban na praia de Silgar e presuntamente cobraron o soldo ata o remate do contrato) saia falando do aumento da policía local e os logros acadados por este corpo como era a identificación de 3, 20, 15, 7 rapaces cada noite dos centos que facían botellón nas praias (como ben conta Jose nun articulo do seu blog) e incautaban doses ridículas de drogas e logo patrullaban pola zona de Portonovo para pechar os locais.

Na sua faceta de concelleiro de persoal pouco hai que mencionar pois a sua labor ou e ineficaz ou escasa xa que moitos dos funcionarios quéixanse da falta de persoal e isto reflicte na atención os veciños porque o servizo que prestan e insuficiente, e que non lle cadre de ir na hora do café, e pouco máis lle queda que mediar cando os funcionarios e os sindicatos esixen que se lles suba os soldos, e como todos xa sabemos quen son os funcionarios que manexan o concello so me queda darlle un consello que é que cando os que mandan perden a vergoña, os que obedecen perden o respeto.

Menos mal que agora xa remata a temporada da recolleita dos produtos do agro e así lle podra adicar tempo a labor no concello e idear un plan de seguridade cidadá para que nos sintamos seguros, espero que ese plan inclúa a persecución de ladróns e das persoas que se apropian dos bens alleos en forma de nóminas astronómicas.
Unha vez amosado o plan tamén lle podra facer unha oferta o concello de abono, plantas, ferramentas de xardinería,...xa que debido o aumento das zonas verdes, os parques e xardíns amosen a sua mellor cara e así contribuír a que o negocio non decaia, o concello aforrar uns cartiños e se hai algunha intoxicación por nitramón xa temos un experto no concello para que so quede nun susto.
Salvador xa sabes que se queres engadir ou avanzar algo dos teus proxectos sabes que aquí estamos esperando como auga en maio (que sabes que e a mellor rega para os cultivos)

Por un "asfaltame esta pista"

Esta semana e por seguir a lei da paridade voulle adicar o artigo a Almudena Aguín (515.797 ptas/mes; 43.400€/año: dedicación exclusiva) a nosa concelleira de Turismo, unha das concellalías máis importantes para o concello de Sanxenxo xa que o turismo é un dos piares da economía do concello.

O primeiro que cabe destacar é como chegou a ser concelleira pois por un pouco de chapapote para acceder o garaxe da nova vivenda podémonos situar nun posto de traballo de responsabilidade pero sen experiencia e sen coñecemento da area que imos desenrolar e esto non tería importancia se o 80% (máis ou menos) da poboación do concello non vivise do turismo e xa todos sabemos que sabe un a onde chegou e non sabe a onde chegará.

Xa rematou a época estival e agora é cando se fai balance de como resultou, neste caso non tivo moito tempo a facer algo porque so leva 3 meses exercendo e parte dos froitos son da anterior concelleira que según contan o CETS celebrou a decisión de que non repetise o que aínda non teño moi claro é como é a relación coa nova concellala. Que xa se sabe que non peca de gula quen nunca tivo fartura

Este vran según o sector a houbo menos turistas que outros anos, unha das cousas pode ser o mal tempo xa que apenas o sol brillou e este inflúe tanto no consumo que fai que o visitante non se decida por vir. O do tempo non podemos cambialo pero si a oferta que ofrecemos porque se descontamos as praias e o porto deportivo se ven un día malo ¿Que lles ofrecemos? ¿Que alternativas hai a praia? Pois non vai ser todo tomar o sol, festas e un programa cultural que se repite tódolos anos.

Noutros concellos do PP estanse a arranxar os muíños e a recuperar zonas a beira dos ríos, a crear rutas de sendeirismo mentres eiqui o único que se fai e destruír e arrasar para levantar bloques de formigón recubertos de chapa de pedra e a soterrar e canalizar os rios e os regatos que co paso do tempo chegan a desaparecer. E triste cando vas con parentes ou amigos de fora percorrendo rutas e visitando o patrimonio recuperado nos concellos veciños pero neste a maioría do noso patrimonio etnográfico esta abandonado ou esta derruído e algúns foron quitados das suas ubicacións porque molestan no avance do progreso do formigón sease o caso do muiño do Vimbieiro que lle estorbaba o Carrefour. Outros estan sen catalogar, así como fontes, lavadoiros, ....., e logo con cara de asombro pregúntanche ¿porque en concellos gobernados polas mesmas cores respetan o patrimonio e aquí non? A resposta é moi fácil: Urbanismo.

Se pasas por unha caseta de información turística atopas folletos de moitos lugares con zonas que se poden visitar e ofertas alternativas a tumbarse o sol pero de Sanxenxo so atopas hoteis, restaurantes, as praias e como non o porto Deportivo.

En Sanxenxo tamén se poden crear rutas pois seguro que unha que ten éxito sería como punto de partida O Con da Ventureira pasando por Baltar,Montalvo, Major, para logo subir a Monte Faro para chegar a capela da Lanzada e se queremos ir ata o Siradella xa que desde ali se contempla todo o istmo. Todas as paradas posúen vistas únicas do noso concello e sería unha forma de fomentar o deporte e non o de permanecer como sardiñas en lata en Silgar. E se non que se recupere o antigo Camiño Real que percorre todo o concello dende Dorrón ata o Grove.

Así que Almudena vai hincando os codos que non solo vai ser ir a feiras de turismo, a encontros das Vilas Mariñeiras, a presentacións en Madrid e demais eventos que con eles podes ti facer turismo laboral pero aquí necesitamos novas formulas, ideas innovadoras e que o turismo non so se centre nos meses de vran pois ese xa está máis que consolidado porque non todo o ano e agosto.

Golpe na pequena Sanxenxo.

A enquisa feita nesta páxina reflexa que a maior preocupación dos veciños de Sanxenxo e o urbanismo e a falta de vivendas para xovenes pero non é de estrañar co que esta pasando neste concello e coa que nos ven enriba.

Pois o tema das vivendas para xovenes creo que neste concello esta complicado, pois as que tiñan previsto facer en Sanxenxo non lles quedou máis remedio que paralizar o proxecto todo por querer ser máis intelixentes co resto. Hoxe na Xerencia de Urbanismo o concello ten que paralizar como mínimo 6 planes urbanísticos entre eles estan un en Soutullo de 290 casas, o PEI 16 e 17 en Padriñán, o PEI onde se ia facer o mercado e tamén onde se ian facer as vivendas para xovenes sito detrás da Igrexa nova de Sanxenxo,....,. Si, pero agora resulta que mandan un comunicado a prensa para botarlle a culpa a Xunta dicindo que os teñen que anular ou suspender por culpa da lei dos 500 metros , JAJAJA, a culpa e toda vosa por facer un PXOM ó grande, sen ter en conta os veciños, sen mirar polo futuro dos que vivimos en Sanxenxo, e so pensando nas grandes obras e nos beneficios de algúns e agora chegan as consecuencias porque fixestedes un PXOM que esta sin adaptar a LEY 9/2002 e claro agora aféctavos a lei dos 500 metros que paraliza todo durante 2 anos ata que se adapte o PXOM, pois tempo tivestedes para amañalo pero claro como en Sanxenxo somos mellores que o resto pasámonos as leis polo forro e agora veñen os pataleos e votar as culpas os outros. E non vos queixedes tanto que si do 10% de aproveitamento que lle corresponde o concello non o venderades todo (SU 1,3,6,7,8 e 11 e PEI 10) ven podiadelo adicar a VP (Vivenda Protexida) e ainda por riba vades e nos SU 13 e 14 vendedes o 20% que a lei esixe para vp en cada poligono e como ben dixo Teresa Táboas no parlamento "de 109 concellos so 7 ofreceron solo para VP"e que claro a maioria dos concellos do PP o que lles importa é o montante económico que xeneran esas vendas e o de Sanxenxo non ia ser menos e asi conseguir cartos para obras faraónicas e grandes escaparates electoralistas e mentras os xovenes de Sanxenxo vamos comprar a outros municipios, e digo eu se eses pisos non se van facer a lo menos nos próximos 2 anos ¿A que se dedica INSULA? ¿Se non van facer os pisos cal é a súa función? Se non xestiona o 10% de aproveitamento para VP ¿que compra de terreos esta xestionando para VP?

E outro dato: a Xunta confirmou que insta o concello a anular o SU do Telleiro en Noalla, por non habelo sometido a unha evaluación ambiental, este é o terceiro caso que se produce despois dos de Major e Montalvo, neste as vivendas ian ser 134 pero o máis grave de todo isto non é a evaluación ambiental senón que aproban un SU sen acceso a el, non preveen no PXOM os viales que dean servizos e así a parte de comprar a casiña había que facerse cun helicóptero para poder chegar a cear. Esto xa foi avisado polo BNG que votou en contra da aprobación como ven se reflexa no Diario de Arousa para que logo digan que os colle por sorpresa. O novidoso desta paralización é que nas outras había un prazo de un mes para paralizar neste esixe a anulación “de oficio” e nos dous casos anteriores fixeron caso omiso dos requirimentos polo que me da a min no nariz que neste vai pasar o mesmo, así que a Consellería pode interpoñer un contencioso-administrativo ¿Para cando?¿A que espera a Consellería a actuar se se incumple a lei?¿Vai quedar soamente nunha ameaza? Agora que se a xustiza e favorable a Consellería os promotores teñen dereito a indemnizacións por danos e prexuicios porque o concello lles dou licenza, e agora ben ¿Eso terémolo que pagar entre todos cos nosos impostos? Porque non creo que os que lles concederon a licencia se fagan responsables. E quen vera a Angel, a Caty, a Rafa (xerente de urbanismo) e a Jose Maria defenderse ante tanto avogado e grandes peixes das promotoras que non estamos a falar do pequeno construtor do lado da casa que inda o podes amedrentar, ¿A ver como sairían desa? Porque xa se sabe ante os cartos non hai amigos e eles xa o padeceran nas propias carnes que é hai donde mellor se aprende a lección de humildade e respeto, (porque os do soldos non é respectar os veciños)

A todo isto so me queda decir que vai sendo hora de que as actas da xunta de goberno, dos plenos, das comisións de urbanismo, ...., teñen que facerse públicas porque creo que como veciñ@ de Sanxenxo teño dereito a saber o que pasa nesas reunións e que fan os políticos e xa que agora temos unha páxina web deberían colgalas ou ¿non interesa amosalas? Para que non se descubra a cantidade de erros, de contenciosos e demáis cacicadas que se aproban ou se pretenden facer. Noutros concellos xa o fan, pero neste creo que vai sendo hora de que se faga ou que acudamos a pedilas pois estamos no noso dereito pois para iso os votamos, así que veciños hai que empezar a reclamalas e vexamos realmente o que sucede hai, xa vai sendo hora de que nos escoiten.

Uns levan as noces e outros as voces

Como dixen aqui algún tempo de que iamos adicar un artigo a cada concellal esta semán vamos a coñecer un pouco mellor a Constantino (Tino) Sanmartín o concellal de Infraestructuras e Obras (soldo: 399.326 ptas/mes; 28.800 €/ano; dedicación parcial). Unha concellalia vital para o desenrolo do noso concello pois un pobo sen infraestructuras non pode medrar e é unha das persoas que pertencen o grupo de goberno que non se ve, exceptuando os plenos, pois ós demáis inda os vemos en festas, saraos, prensa, ..... ¿pero Tino por onde andara metido? pois tenlle que adicar 20 horas semanais o concello.
Infraestructuras e obras: primeiro vamos falar das que menos venden politicamente pero que a maioira nos afectan como son a dotación de servicios básicos pois nin temos completa a rede de saneamento como quedou demostrado estos días na Praia de Nanín que lles fixeron falta 8 días para recoñecer que foi dun verquido de fecais, e onde estaba Tino para decir que hai que reparar o saneamento pois se non me equivoco este caso non so lle a afecta o medioaembiente pois se hubese boa infraestrucutra isto non pasaria e como ven se sabe non é un caso puntual pois os tubos vertendo augas o mar estan ali para ver sobretodo coa marea baixa, pero en tempada alta non é bo pechar unha praia e facemolo en setembro para asi facer creer a galería que nos preocupamos polo estado das augas e que facemos controis das mesmas. Despois temos o tema da auga pois co volume de edificabilidade que se está producindo no pobo suponse que terán garantidos o servicios como a auga, é que cada vez é máis escasa. Para elo diseñan un plan que van a pagar entre todos os promotores pero que a día de hoxe no se sabe nada del pois seguimos coa mesma rede de auga, a capacidade das EDAR (depuradoras) e a mesma que hai 4 anos.
Menos mal que nos quedan as grandes obras para poder lucirse, ¿Cales son as competencias de Tino? pois se asfaltan camiños e reparan o alumeado e as pistas deportivas de Noalla ala vai Illa que pa iso e concelleiro de Sevicios Xerais, inda que nas de Noalla tocaballe a Martín por ser de Deportes, se falan das obras de reparación dos colexios sae Paz que para iso leva Educación, se se fala de grandes obras sae Angel pois para iso é o de Urbanismo, se falan de que van facer un parque sae Caty pois para iso tamen leva Servicios Sociais e ata o de agora non houbo moito máis, asi que Tino ¿Cales son os teus plans para estes 4 anos?.
Dende que tomou posesión do seu cargo so supemos del através do caso "Libelula" debido as relacións familiares, que xa se sabe que as veces son máis comprometedoras que as laborais.
¿Como andará o tema? preguntomo por que como esta todo tan calado ¿seguiran excavando na roca a ver se topan a mina de ouro?. Outro local o que controlar o horario de peche, a insonorización, a doble porta,....., como fan co resto de locais, ah perdón que me colei como fan con algúns locais de Portonovo porque noutros parece que se fai a vista gorda pois o sonografo debe de ser dos chinos por que os decibelios debeos marcar con outros parámetros.
Pero Tino non te preocupes que seguro que dende aqui vanche deixar ideas para que poidas amosarnos o teu traballo e asi coñecerte un pouco mellor, que xa se sabe que o que non ten padriño, afórcano.

Un novo curso, repetir ou pasar.

Xa comenzou o mes de setembro, remata a época estival e é un mes no que da comenzo un novo curso tanto escolar, laboral (para aqueles que tiveron vacacións) como político, no que se retoman os temas que quedaron pendentes ou se intenta recuperar aquelas asignaturas que se suspenderon en xuño.
No concello de Sanxenxo notase máis que nos outros que se acerca o outono pois inda que parece que chegou o calor, que se fixo de rogar nos mes de agosto, os servicios que se prestan minguan de forma sorprendente como por exemplo a escaseza de socorristas nas praias ou coma na da Lanzada que non hai ningún desde o comenzo do mes e se hai algún percance hai que acudir os postos do Grove que si os manteñen pois a xente segue acudindo as praias e as bandeiras azuis seguen ondeando inda que os servicios polos cales se lles concederon xa non se encontren operativos. E que xa se sabe que Honra e proveito non caben no mesmo peito
Outro dato é a finalización das festas de Santa Rosalía que son as últimas en festexarse e a celebración da Feira da Cebola no que este ano a presencia habitual dun concello de Asturias brillou pola súa ausencia e os premios foron dados os mesmos premiados que anos anteriores e o máis comentado pola maioria de asistentes era o paseo da comitiva dende o concello ata a Plaza do Mar para a continuación dar comenzo da entrega das Cebolas de Ouro este ano presentado por Tete, e menciono isto porque me chamou a atención porque o guión estaba escrito en castelán pero dixo varias veces a palabra ristra que no medio das palabras castelanas choca moito meter unha galega inda que algunha outra máis se lle colou na presentación.
O descenso da plantilla dos auxiliares da polícia local polo que remata o control da movida, a identificación masiva dos asistentes o botellon, o control do horario de peche de alguns locais de Portonovo, dunha cousa podo estar seguro que a moitos deles non se lles van a votar de menos pois a alguns a antipáticos non habia quen lles gañase e sobretodo cando había algún evento en Sanxenxo non lle fixeras moitas preguntas que lles molestaba. Pero xa se sabe que come ben e non mires a conta de quen.
Pero agora que comenza o novo curso vamos a ver como saen adiante os proxectos que teñen enriba da mesa como o de acondicionar os colexios neste mes no que as clases comenzan o día 12 e os rapaces van poder disfrutar de talleres de albañileria, pintura, fontaneria, ......, a verdade que se o pensamos ben ten a súa vantaxe pois asi os cativos poderan decidir si seguen estudiando ou de maiores queren adicarse algunha destas profesións, agora que eu me pregunto ¿Por que esperaron o comenzo das clases e non os acondicionaron durantes as vacacións? ¿Ou será unha nova para que as APAS non lles dean a tabarra e como non hai plazo de execución retrasaranse de novo co paso dos meses? Será porque os que van a acometer esas obras estiveron de vacacións en xullo e agosto e para iso que non son funcionarios do ramo educativo pero a crítica é porque os nenos van estar rodeados de obras e xa se sabe que os cativos son moi espelidos e cando te das conta seguro que estan enriba dun andamio facendo unha pintada, o mellor asi descubrimos un artista.
Para rematar vou deixar unha frase que aparece no Catecismo do Lábrego e estase convertendo no fiel reflexo dos que vivimos en Sanxenxo e di: ¿Que é a priguiza? É un luxo que non podemos permitirnos os que traballamos, ¿Que é gula ? Eso non llo pregunte ós labregos: as xentes acomodadas lle podrán responder ¿Que é envexa? Un aguillón que se nos crava na alma cando vemos os bens i a facenda dos veciños (sobre todo o patrimonio que algúns van adquirir a conta de todo un pobo)