Que contraditoria é a vida patrimonial dos habitantes deste concello. Hai uns días se formaba unha plataforma en contra dun plan sectorial de Vivenda porque non se cree convinte que se faga alí vivendas de VPO e hoxe topámonos con que maña se lle dará pulo a unha EXPROPIACION FORZOSA para adquirir os terreos do SU9 que os propietarios non quixeron adherirse a dito SU. Xa no seu día falei deste polémico SU e seguirá dando moito que falar nos próximos días.
Xa sei que por lei esto se pode facer, non me fai falla que ninguén veña agora coa lei na man lembrandonos a legalidade, senón que si todos somos iguais tal e como di a constitución neste caso os propietarios estan indefensos.
Pero xa sabemos que en Sanxenxo o que conta son a cantidade de CEROS que leve adosado o terreo onde se pretende obrar.
É mellor destruír Punta Festiñanzo con formigón e un sistema de rede viarias a ter VPO, xa me gustaría ver as reaccións dos propietarios si o plan sectorial de vivenda se decidira facer hai, entón hoxe xa estarían en pe de guerra pola destrución natural do entorno.
Vamos a ver cantos colectivos se pronuncian hoxe, vamos ver cantas voces se levantan en contra deste SU a non ser a dos propietarios desas parcelas que non estan dacordo “coa súa edificación” ou a lo menos dese xeito.
¿Onde queda a formula de compensación da que tanto se fala para outros casos?
A miña posición foi sempre en contra deste SU pola destrución do medio, o digo para aqueles que queiran acusarme de derivar ou de medias verdades, pero si estou a favor da construción de vivendas de VPO porque fan falta pois das outra xa esta o concello cheo e a maioría sen vender por prezos sobrevalorados pero claro aquí seguiremos con iso de: se o veciño vende por 100 eu po 200 que teño que ser máis rico ca el, e así nos vai.
Cando priman os CEROS por riba da estabilidade demográfica ou dous interes da maioría convertémonos en lobos para nos mesmos.
E si xa sei que todo culpa de isto é da Xunta que o concello non ten nada que ver e que cumple coa sua laboura e mira polo ben de tódolos veciños, e por suposto que se aprobou por urxencia este SU e que a urxencia tamén esta en ver o que se fai con ese 10% de aproveitamento que lle corresponde o concello, que ese 10% monetarizado inda da para a ampliación do porto deportivo, por exemplo.
