miércoles, 11 de enero de 2012

Os mundos de "yupi" da alcaldesa sobre a devolución

Esta é a resposta que publica hoxe o Diario de Pontevedra feita pola alcaldesa ante a situación de devolver os 3,8 millóns de euros:



O Concello di que ''non está nin estará en quebra'' a pesar de ter que devolver 3,8 millóns



11/01/2012 - DP (Sanxenxo)
A alcaldesa do municipio pontevedrés de Sanxenxo, Catalina González, afirmou que este Concello ''non está en quebra nin o estará'', a pesar da sentenza xudicial que obriga a esta administración a devolver os 3,8 millóns de euros que percibiu en virtude do convenio urbanístico subscrito coas empresas promotoras dun chan urbanizable.
O Xulgado do Contencioso Administrativo número 3 de Pontevedra declarou firme a sentenza, emitida no mes de maio, na que estimaba o recurso interposto polas empresas Emprosal 16 S.A., Chave do Ano S.L. e Lanzagolf S.L., ás que ha de reintegrar a contía de 3.830.692 euros percibida en virtude do convenio urbanístico subscrito subscrito coas citadas promotoras do chan urbanizable número 13, situado en Monte Faro.
A este respecto, González incidiu en que esta sentenza ''non repercutirá nin nos servizos'' que presta este Concello, ''nin na achega'' que os veciños e veciñas realizan ''a través do pago de impostos''.
O Concello impugnou este fallo presentando un recurso de revisión, despois de que o recurso de apelación fose declarado deserto ao non haberse presentado o escrito de personamiento dentro do prazo establecido.
ACORDOS
Ao mesmo tempo, o goberno local traballa desde que coñeceu o fallo xudicial en alcanzar ''aqueles acordos que permitan emendar esta situación, para o que está a manter diversas reunións coas empresas propietarias deste ámbito urbanístico'', explicou a Administración local nun comunicado.
González tamén afirmou que o Concello ''asumirá e acatará a sentenza definitiva, e executaraa como ten por costume'', á vez que tamén recalcou que o Goberno mantén os ''argumentos esgrimidos na defensa deste conflito'', que pasan por considerar que a achega monetaria ''realizouse de forma voluntaria'', e non como consecuencia da ''exención da obrigación de reserva de vivenda protexida''.
Tamén criticou que esta situación ''deriva directamente'' da lei de medidas urxentes en materia de vivenda aprobada na etapa do bipartito, que, ao seu xuízo, deixou a empresarios e administración ''con nula seguridade xurídica''.
NON HABERÁ ''RESCATE''
''Esta sentenza supón un novo revés do que o Concello de Sanxenxo sairá airoso, do mesmo xeito que de todos aqueles que fomos afrontando nos últimos anos'', engadiu González, quen recalcou que esta administración non se atopa nunha situación de quebra técnica ''nin o estará mentres eu siga á fronte deste Goberno''.
A este respecto, a alcaldesa engadiu que Sanxenxo non se atopa entre ''os municipios obxecto de rescate'' por parte doutras administracións, xa que cumpriu ''sempre con todos os compromisos adquiridos, a pesar da difícil situación que atravesa o país e á que esta administración non é allea''.
1.  Xa esta dicindo que hai que pagar.
2. Di que non vai repercutir, pensa que os veciños somos idiotas ou que?