Gol da Xunta ao Concello de Sanxenxo

Hoxe asistimos a un novo capítulo das cafradas de urbanismo que tanto suceden no noso concello.Moito se apurou en febreiro Angel en anunciar que se declaraba a Casa Cuartel de Noalla e a casa de enfronte en ruínas e que se procedía o seu derribo.

A casa de enfronte foi derribada pero o dono do edificio do cuartel foi máis listo que a tropa da xerencia de urbanismo e tramitou o expediente para catalogar dito inmoble no catalogo de patrimonio e dito inmoble vai ser incluído xa que conserva a súa estrutura orixinal e conserva a súa identidade.

Pero do que non se dou conta Angel foi de que a casa cuartel esta nas mesmas condicións que o Pazo de Quintáns, que a casa de San Fernando, que o Priorato de Arra e que moitos elementos patrimoniais. Todos estes inmobles estan todos en ruínas claro que a casa cuartel lles molestaba, xa que sen a edificación o terro estaría afectado polo Pxom e que bonito quedaría unha praza cun par de bancos mirando cara a rotonda e Angel saíndo en prensa anunciando este marabilloso espazo para o desfrute dos veciños de Noalla, pero agora vai a Xunta e lle bota abaixo os seus plans.

Claro que agora non lle poden botar as culpas o bipartito porque agora goberna o seu propio partido e claro tampouco sae a nova na web do concello a pesares de que se vai contar no concello cun inmoble máis catalogado. Ai Angel sumamos outra cafrada, moita presa para derribar uns edificios cando outros levan esquivando a lei ano tras ano.

Pero bueno logo intenta compensalo un par de días antes anunciando que o concello vai rehabilitar un muiño en Noalla que esta dentro dun SU e que xa elaboran un plan para elo e outra vez asistimos a outra falta de xestión e a unha nula capacidade de negociación, pois a rehabilitación dese muiño debería habela feito a empresa urbanizadora do SU a vez que urbanizaba o resto dos espazos públicos e así o concello aforraba uns euros, pero claro neste concello prefiren que se lles entregue as edificacións en estado ruinoso que poder recepcionalas arranxadas. NON HAI CAPACIDADE DE XESTION. So temos que recordar o muiño do Vimbiero que a pesares de estar catalogado anda desaparecido ou ¿andara nalgunha finca exposto?

Pero xa sabemos que o uso da web municipal pagada por todos os veciños é partidista e sectaria pois so sacan os recursos e contenciosos que lle son favorables a eles, e logo anuncian o regalo da alcaldesa a raíña pero non anuncian a visita dos Reis a Sanxenxo, claro que o protocolo é unha signatura pendente deste concello pois o PP de Pontevedra arremete contra a alcaldesa en funcións de Pontevedra por irse do desfile de Marín pero descoñecen que en Sanxenxo olvidaronse invitar aos grupos da oposición a entrega das medallas os regatistas, polo tanto ¿de que serve ter gabinete de prensa se logo non anuncian os actos? E logo falan da proxección de Sanxenxo fora da provincia, notouse a cobertura da noticia que nin o propio concello a anuncia.

Eu comprendo que anunciar que se pecharon dous pubs e unha discoteca é unha noticia de alcance, un feito digno de portada nos xornais, senón fora que ninguén cree semellante acción, pois todos os anos nesta época podemos ler esta noticia fin de semana si fin de semana tamén. DEUS DALLE PAN A QUEN NON TEN DENTES.