Virus orzamentario

A alarma social sobre a gripe porcina parece que se vai calmando pero en Sanxenxo temos outra clase de virus, e non precisamente o virus A, senón un virus orzamentario. Virus que se instalou no concello de Sanxenxo hai cousa de 3 anos, inda que cada ano que o grupo de goberno nos avisa da súa presenza sobre estas datas a súa afectación cada vez é menor. Sorprendeunos cun nivel de 114 millón de euros hai 3 anos para agora pasar a ser menos da metade.
En termos médicos estariamos ante unha boa nova xa que o virus perde forza pero en económicos queda comprobado que este virus cada ano coxea máis e a única vacina contra el pasa por un cambio da persoa encargada de controlalo, así como das persoas que creen que o virus cada ano que o fan son do mellorciño. Atopámonos neste orzamento con que as poucas inversións que aparecen escritas son as mesmas que hai 3 anos, iso si, quitando moitas que seguen sen executar e seguirán así mentres este equipo nos goberne.

Din que van pedir créditos para facer as obras (serán os mesmos créditos que pediron anos anteriores), e logo tendo en conta a crise que vivimos e que os bancos cada día poñen máis trabas e a débeda do concello aumenta, esas obras non serán empezadas este ano. Señores do goberno que estamos en maio e inda non moveron un dedo..... (preme aquí para ler o resto do artigo do Aturuxo)

Os delitos da Igrexa.

Sei que moitos estades esperando que colgue as cifras do orzamento deste ano, e non me estraña porque polo que sei dan para moito debido o pouco realismo e credibilidade que teñen. Pero iso vouno deixar para a semana pois debido a unha viaxe inda me estou poñendo o día dos últimos acontecementos.

Pero hoxe quero falar da Igrexa, ese empresa mercantil que tantos cartos xenera a conta dos incrédulos, so hai que visitar o Vaticano, e que tantas aberracións, delitos, xenocidios, crimes,.., esconden detrás de hábitos e do nome de Cristo. Cristo que si levantase a cabeza e tivese que ler declaración como a seguinte:

“El cardenal Cañizares insinúa que es peor abortar que abusar sexualmente de un niño” e para volver a pedir que o crucifiquen de novo.

“El cardeal prefecto de la Congregación por el Culto Divino y la Disciplina de los Sacramentos, Antonio Cañizares, considero que "no es comparable" el caso de los abusos a menores en escuelas católicas irlandesas entre los años 1950 y 1980 con el aborto, porque el primero afecta a "unos cuantos colegios" y el segundo supone que "más de 40 millones de seres humanos se han destruido legalmente".

Sin embargo, sobre lo sucedido en Irlanda, dijo que estas conductas son "totalmente condenables" y hay que pedir perdón.” (20minutos.es)

Xustificar os abusos sexuais infantís xa é o último que me podia esperar deste grupo e pensar que con pedir perdón xa esta ¿e o dano causado a eses nenos? Claro é máis delito abortar cando inda é un embrión, non un ser humano, é un conxunto de células.

Estes señores deberían preocuparse máis por mirar a quen teñen disfrazados de curas, baixo sotanas que non lle dan dereito a ter impunidade legal e moito menos deixarse de proclamarse defensores das boas costumes porque exemplos temos moitos.

Paréceme unha barbaridade comparar un suceso co outro, so faltaría que calquera día un pederasta diga que hai que perdoalo como se fai cos curas pederastas porque el non abortou. Señor cardeal deixe decidir as mulleres libremente e non teñan dobre moral, vostedes son os maiores encubridores de delitos hoxe en día, vostedes son dos que din fai o que lle digo pero non fagas o que eu fago. Vai sendo hora de que a xustiza os vaia condeando por cada crime e delito que se comete porque a excusa de que se fai en nome de Deus era da época das cruzadas e hoxe xa estamos no 2009.

A austeridade da economista

Xa temos cuantía para este ano 2009: pouco máis que 55 millóns de euros. Si a este paso nos iremos acercando a cantidade real de orzamento que xestiona Sanxenxo e que roldan os 30 millóns de euros.

Pero o deste goberno a min faime gracia pois di que so teñen 11 millóns para investir e si descontamos os 3 millóns do plan ZP quedan 8 millóns e so teñen previsto facer: o centro social do Revel, a cidade deportiva de Sanxenxo e a gardería de Vilalonga. Pois si que se luciron, falan de obras que levan máis anos en proxecto que eles no goberno e ¿onde queda a gardería de Portonovo? ¿e a rede de museos? E non falemos da estrada de Nantes a Vilalonga.

E logo falan de austeridade, para eles austeridade é dicir que Nauta e Insula se fan algo se pide un crédito e senon fan nada pois xa non incrementamos o endeudamento.

De verdade Susana para facer semellantes contas non che facía falta esperar a maio pois con pasarlle o tipex a algúns investimentos do ano pasado e facer un par de axustes xa o tiñas feito e en febreiro podíalo presentar, ou acaso esperabas a ver que podía caer da Xunta ou da Deputación para así intentar engaiolar os veciños cun orzamento claramente inflado. E logo inda dirá que cobra pouco po traballo que fai, si que é verdade que a dar ninguén se fixo rico.

E inda nos falta ver a liquidación do ano pasado, de verdade que moito presumir hai 3 anos daqueles 114 millóns para agora ter que rebaixalos a metade e que os mesmos investimentos que aparecían naquel orzamento continúen neste.

O que me parece é unha burla os veciños que moito falar de austeridade pero a única austeridade que vexo e a que afecta os veciños: menos inversión, os mesmos servizos que hai 6 anos pero onde a austeridade brilla pola sua ausencia e no apartado de salarios.

Agora acabouse a escusa de que a Xunta non colabora, de que a Xunta boicotea Sanxenxo así que a ver agora como tapades a mala xestión e a nula capacidade de investimento. Si xa veremos como dentro duns meses ata se van a subscribir o Consorcio de Benestar da Xunta agora que Feijoo o renovou e sigue adiante na liña que se viña mantendo.

Agardo que o menos teñan o sentidiño común de colgar este orzamento na web do concello para que así todos poidamos ter acceso a eles xa que debe estar exposto o público un mes para posibles alegacións, ou ¿non interesa?

E logo inda por riba nos falan que fan unha política social, sera social para eles, porque política de emprego nada pois polo visto partida para esa area nada, inversións no polígono para que a economía en Sanxenxo se recupere nada, políticas en materia de Turismo si: viaxes o Ritz, a Valladolid, a Xixón,.., calquera outra política beneficiaria para os veciños non existe para eles, non vaia ser que teñan que traballar e non che están moi acostumados.

Tarde, mal e arresto

“El gobierno dará prioridad de nuevo a la política social destinando a Terra de Sanxenxo 5,2 millones”

Si, si moitísima prioridade cando o orzamento e similar a estes anos pasados e a maior parte se vai en salarios e sen ningunha innovación.
Pero claro, primeiro preséntanse os orzamentos por capítulos e presentan os de Terra Sanxenxo pensando que así a xente se amose máis receptiva pero co lema de “prioridade a política social” queren tapar a nula capacidade de investimento que teñen, si no ano 2008 do que prometeron nada se viu este ano máis do mesmo.

“Esto permitirá reducir en 371.030,17 euros el presupuesto del O.A. Terra de Sanxenxo con respecto a 2007 “sen que afecte en modo algún aos programas que se desenvolven dende as concellerías de Benestar Social, Educación e Cultura, e Xuventude e Deportes”, añadió la concejala de Economía.” si esto lido queda moi bonito pero a realidade é outra, falta saber o orzamento liquidado do ano 2008, porque unha cousa e orzamentar e outra liquidar.

De que vale anunciar a bombo e a platillo que "O. A. Terra de Sanxenxo no será ajeno a las medidas de austeridad y contención de gasto implantadas en la Administración local, ya que el presupuesto de este organismo contempla un ajuste en las partidas incluidas en gastos corrientes y en todos los consumos, además de un recorte en las cuantías destinadas a fiestas y eventos. “Continuamos coa liña marcada que xa supuxo un aforro no alumeado de Nadal, os actos do Entroido, a festa da raia, entre outros”, comentó Fernández Trelles.“ si as medidas de austeridade de investimento hai moitos anos que as vimos sufrindo e non son novas.

Maña veremos outro capítulo desta serie na prensa, onde Susana F, deixaranos patente outra vez que neste concello os orzamentos son máis falsos que a morte da nai de Bambi, así que vai sendo hora que nos deixen de contar películas de fantasía e sexan consecuentes co cargo que ocupan.
Estamos a mediados de maio e seguimos sen saber en como se pechou o ano 2008, e Susana ou moito tes que cadrar ou as 20 horas mal as repartes, vamos que si hoxe non estivese todo informatizado inda podería entendelo pero que estamos a mediados de maio. E xa non falo de presentar o orzamento do 2009 senón de coñecer o liquidado do 2008.

O que esta claro é que os orzamentos volveran a ser a baixa e que Sanxenxo e o segundo concello da comarca en endeudamento, e non todo é por culpa da crise senón pola mala xestión e a falta de capacidade para facer que os proxectos non so sexan simples debuxos en papel.

Pero descifremos un pouco os datos que nos dan:

735.197, 95€ para actividades educativas
2.735.169,93€ para cultura, turismo e xuventude e deportes
1.295.445,52€ para servicios sociales
4.765.813,40€ Total

5.222.000 – 4.765.813, 40 = 456.186,60€ para servizos de administración e seguros sociais.

O desemprego en Sanxenxo

Que estamos a vivir unha época de crise ninguén o pon en dúbida, que a economía sufriu un retroceso é evidente, pero quen sufre as maiores consecuencias son sempre os mesmos: o traballador medio, as clases medias e baixas. Quen ten que por medidas para frear o retroceso desta situación son os nosos gobernantes e inda que a crise é algo global deberíase empezar polos estamentos que están máis cerca dos veciños.

Por iso eu pregúntome qué se esta a facer en Sanxenxo. A resposta é sinxela: NADA. Seguimos cun polígono parado sen visos de ter utilidade nun curto prazo, e todo porque aquí non contamos cunha política de emprego real. Intentan facer pequenas operacións de maquillaxe para que a xente os crea pero ó final é pan para hoxe e fame para maña.

[...]

Preme aquí para seguir lendo o artigo desta semán no Aturuxo.

A voltas con Monte Faro

Estaba lendo a nova sobre Monte Faro e de que a empresa Mirador de Sanxenxo S.L. Abandona o SU14 “porque esta todo parado”. O final parece que os valencianos Cotino deixan Sanxenxo.

Sigue adiante o SU-13 no que se vai facer o famoso campo de golf e as vivendas de luxo. Este SU o desenvolven empresarios locais e de concellos dos arredores mediante as empresas: Emprosa16 SL, Llave del Año SL e Lanzagolf SL.

A consellería de Medio Ambiente hai uns días informou desfavorablemente sobre os informes ISA destes SU e agora o concello a través dos seu equipo xurídico estase plantexando recurrir dito informe.

Por elo a miña pregunta é ¿si é un SU privado ten que recurrir o concello? ¿ese gasto correspóndelle o concello? ¿cal vai ser a posición das empresas, porque si recurre o concello elas vanno facer tamén?

Agora que dúbido que Catalina se sente con Encarna Rivas, Secretaría Xeral de Ordenación do Territorio e Urbanismo, para falar dos problemas urbanísticos de Sanxenxo, pois a segunda inda lle debe doer o cese fulminante do seu cargo como xerente de Urbanismo, pois por moi cargo de confianza que fose e a pesares da marcha de Telmo puído haber continuado.

Inda que lle queda o conselleiro Hernández, como moitos sabemos que a empresa da que foi Director de Contrucción despois de ter que deixar o seu cargo na Xunta no 2005 é a adxudicataria da maioría das obras de Sanxenxo. Pode acudir a este conselleiro de Medio Ambiente para que lle bote unha man, para ver si o campo de golf vai adiante ou non, porque a verdade é que o grupo de goberno tanto lle da as construcións das vivendas eles queren ver o campo de golf para dicirlles os veciños: prometémolo e hai o tendes. Custe o que custe.

Elección feita

Hoxe xa temos a confirmación de que Paz Lago o final renuncia o seu soldo como concelleira de cultura e quedase co de Senadora.
Esto debese a que non pode compatibilizar ambos soldos e tiña que escoller un, é escolleu o que mellor lle conviña e por suposto ese é o de Senadora, que ten pensión vitalicia.

Agora que o concello vai aforrar 47.600 euros o ano ven pode adicarlle estes cartiños a facer algo pola cultura e non destinalos a chapapote: arranxar unha fonte, colocar algún cartel, adecentar o castro de Dorrón ou o de Nantes, adecentar as rutas de sendeirismo,...., por ideas non sera, eu xa puxen algunhas o que se lle ocorran algunha máis vámolas dicir para ver si copian algunha.
Porque 47.600 euros poden parecer poucos pero si se xestionan ben inda dan para un par de cousiñas.

Sorte no Senado.

Coa Igrexa hemos topao.

Hoxe quero facerme eco do artigo que publica hoxe Jabois sobre a polémica que surxeu en Vilalonga co cura, co manto, cos cartos e ata coas misas. Si é que a penitencia hai que aguantala e a procesión vaia por dentro.

El recatamiento del Señor. Por Manuel Jabois

Sin saber de su aflicción aunque se supone que con pavor al magisterio de Dios, que es mucho magisterio y no lo saca uno en tres años, el cura de Vilalonga, parroquia de Sanxenxo, ha mirado por los desvelos del pecado y prohíbe que en la procesión de la Virxe do Carme se llene de billetes los mantones de la figura religiosa. «No es muy ético ver a la Virgen cubierta de dinero», dijo. Así que propone una urna.

[...]

En Vilalonga han emprendido pasos por no se sabe qué caminos. Buezas recuerda que en la romería de los Milagros de Amil la Virgen se pasea con el manto lleno de billetes y que «incluso hay guardias civiles», que si uno ve las fotos y las cantidades que la señora porta en la vestimenta lo que debería haber es un regimiento. Es manía muy religiosa la de entregar de esta forma tan poco escrupulosa el dinero a la fe, que para mover montañas necesita el feroz sustento y la pasión de bueyes con el viento azotando el papel moneda, y los vecinos ahogados por la pena y el paro extendiendo los brazos a Dios para pagarle su protección y su vigilia. El cura de Vilalonga lo que quiere es desterrar la práctica y poner urnas, como en el Domund, que va más a juego. También sabe que eso de meterle billetes en los refajos a las mujeres reclamando favores está extendido entre vírgenes y contrarias (Amil y Las Vegas, o sea) y tampoco es plan.

Para leer todo preme aquí: El recatamiento del Señor.

Será desta?

“El Ayuntamiento de Sanxenxo pretende coronar Monte Faro con un campo de golf de 18 hoyos y 2.710 chalés de lujo, una actuación que ha recibido un nuevo revés de la Consellería de Medio Ambiente. El Diario Oficial de Galicia recogía ayer la memoria ambiental (emitida el 30 de marzo) que deja al descubierto la falta de respeto por los valores naturales y paisajísticos de dos planes parciales que suman el 5% de superficie global de la villa y presuponen 8.211 habitantes más (el padrón recoge apenas 17.000 en 2007).” (El País)

Esta é a realidade do noso concello a falta de respeto polos valores naturais e paisaxísticos do concello en prol da especulación, do moles de formigón e dunha economía urbanística que non se sustenta.
Pero o que máis gracia me fixo o ler a noticia foi que a memoria ambiental data do 30 de marzo e que se esperou a que cambiase o goberno para ver si así colaba o informe e seguir pa diante. Pero desta vez parece que primou o sentidiño común e se rechaza ditos plans.

Xa é tarde para os SU dos Cotos e da Granxa pero agardo que non sexa tarde para os restantes, porque o que sobra en Sanxenxo son vivendas baldeiras e o que fai falta son infraestruturas e ordenación do territorio pero de forma lóxica e non primando intereses inmobiliarios. Porque Sanxenxo non ten capacidade para semellante bomm urbanístico: esta sen desenvolver o Plan Director de Agua e Saneamento, non esta asegurado o abastecemento de auga para tanta vivenda, non hai unha rede de saneamento suficiente, falta construír unha EDAR,..., e así unha boa lista. Pero aquí o importante parecía que era cobrar os cartos das licenzas para facer non sei o que a parte de pagar soldos pero agora nin para iso hai, e senón tempo o tempo.

Un roteiro moi interesante.

Colgo o cartel tal é como me pideu dita asociación e dicir que noraboa pola iniciativa e que oxala sirva para que tanto a xente e o concello se conciencie da necesidade de preservar e coidar o noso patrimonio.

Para o próximo roteiro ou actividade prometo ir pero neste é me imposible.

Sorte é estarei pendiente do resultado de dita actividade, sobre todo porque é apta para todos e gratuita que nos tempos que corren esto demostra que se poden facer cousas sen orzamentos elevados.

De onde non hai non se pode sacar

"Vilagarcía es la que más problemas de desempleo registra, aunque también es la que mayor población posee. A la finalización de abril, se contabilizaron 3.602 parados, el peor registro de todo el año, debido a que en esta ciudad el desempleo no entiende de retrocesos y sigue aumentando aunque solo sea en seis casos más.
El segundo núcleo poblacional con mayores problemas para encontrar trabajo es Sanxenxo, que cuenta con 1.295 personas en esta tesitura."

Para que logo salga Salvador facendo experimentos e anunciando contratacións precarias. Pero a estas alturas do grupo de goberno xa non me espero nin unha política de emprego e moito menos algunha política útil.

Pero sigamos aparecendo na segunda posición de canta lista salga públicada na prensa: 2º en endeudamento, 2º en parados, ...

Aclaración

Debido a un problema cun virus algúns comentarios foron suprimidos. Intentarei amañalo o máis pronto posible, pois foi algo alleo a miña vontade.

Os comentarios afectados corresponden a dous artigos sos. Agardo que non volva suceder.

Por estar sempre ahi.

Dedicado a tódalas nais:

Miña nai ensinoume a apreciar un traballo ben feito: "Si vos vades matar, facedeo fora. Acabo de limpar".

Ata me ensinou algo de Relixión: "Reza para que esa mancha salga da alfombra".

Ensinoume a razoar: "Porque o digo eu, por iso,... e punto".

Ensinoume previsión: "asegúrate de que levas roupa interior limpa, por si tes un accidente".

Ensinoume ironía: "Ti segue chorando, verás como che dou unha razón para que chores de verdade".

Ensinoume a aforrar: "Garda as lágrimas para cando eu morra"

Ensinoume osmosis: "Pecha a boca e come!!!!"

Ensinoume contorsionismo: "¡Viches a suciedade que tes na nuca, vólvete!".

Ensinoume forza e vontade: "Vaste quedar sentada ata que comas todo"

Ensinounos metereoloxía: "Parece que pasou un furacán polo voso cuarto".

Ata nos ensina modificación de patróns do comportamento: "Deixa de actuar como teu pai".

Ensinounos habilidades como a de ventriloquía: "Non me rosmes, cala e contéstame:¿por que o fixeste?"

Ensinonos linguaxe encriptado: "non me, non me.... que te, que te ...."

Sin olvidarme das clases de Xeografía de España: "Como sigades así mandovos a un pa Cádiz e a outro pa Bilbao"

E as de Lóxica:"Mamá, ¿que hai para comer? ¡COMIDA!".

Sen olvidar as de rectitude: "Vou endereitarte dun tortazo".


¡¡¡GRAZAS MAMA!!!.....

Volve subir o pan. Que Indecencia

Esperei a hoxe para escribir porque a parte de ser o 1 de Maio é o “Día do Traballador” e nos tempos de crise que estamos a sufrir ter que ler semellante declaración: “el Gobierno local reorganizará los turnos de limpieza de playas de tal forma que esta temporada se ofertará casi el doble de plazas que el año pasado. Si en 2008 fueron 24 los trabajadores contratados para llevar a cabo estas tareas, este verano serán 40 las personas que se empleen para reforzar esta área en julio y agosto. Eso sí, tendrán jornadas más reducidas “de xeito que poderán compatibilizar este traballo con outros empregos ou conciliar a vida familiar e laboral”, ” paréceme unha burla os parados, os traballadores e aos veciños de Sanxenxo.

É que cada vez que Salvador Duran fala sube o pan porque xa non sei si nos toma por parbos ou eles viven nun mundo superior o resto. Xa é difícil topar un emprego cos dereitos garantidos como inda por riba poder compatibilizalo con outros. Claro é que seguro que cando pensou nisto estaba pensando na sua situación: Cobra 399.326 ptas/mes (28.800 €/ano) pola dedicación parcial o concello e así de paso pode seguir atendendo o seu negocio. E agora presentase como o salvador do desemprego en Sanxenxo aumentando as prazas ofertadas, iso si reducimos as horas pagamos menos e así máis xente a debernos o favor por haber traballado un verán no concello.

Porque o que esta claro e que si se pode compatibilizar con outros traballos non fai falta estar no paro para acceder a eses postos, si eu teño un contrato a tempo parcial pódome presentar a eses postos.

Pero o que máis vergonza é co cachondeo que se toma a política de emprego fomentando a precariedade laboral, esto recórdame cando antes as mulleres que traballaban mariscando no verán compatibilizaban este traballo co traballo nos hoteis e nas casas sen seguro e sen contrato para sacarse uns cartos a máis e contribuír a economía familiar. E agora volta o pasado poden traballar 4 horas no concello e logo ir traballar sabe deus en que condicións a outro lado para poder sacarse un soldo decente.

Por iso nestes día boto en falta unha declaración o respecto dos representantes sindicais do concello porque moito protestar polo tema das oposicións e de que os interinos pasen a ser funcionarios pero nada de velar polos dereitos dos novos empregados. Porque non é o mesmo cotizar 8 horas que 4 horas, adeus a posibles prestacións de desemprego, a axudas familiares,.., por iso en Sanxenxo máis que nunca teño que dicir: NORABOA POLOS EMPREGOS PRECARIOS , iso si nada comparable a súa dedicación parcial ou ¿é que pensa que todos van gozar da mesma economía ca el?

De verdade que cada día que vexo unha nova que empeza mencionando a dito concelleiro levo as mans a cabeza e que Deus me colla confesada porque me espero calquera cousa.