¿Irresponsabilidade ? ¿De quen?

Hoxe na prensa podemos volver a ler unha irrisoria frase do tenente alcalde que di sobre un concelleiro da corporación que calífica os seus feitos como unha “grave irresponsabilidade por parte dun concelleiro desta Corporación”. Xa non é a primeira vez que o di pois cada vez que algún concelleiro da oposición denuncia algo xa o estan tachando de irresponsabilidade pero tenente alcalde ¿realmente coñecedes o que significa esa palabra?

* Irresponsabilidade é ser concelleiro de Urbanismo é non saber nin a metade do que se coce alí.

* Irresponsabilidade é conceder licenzas que non se poden dar.

* Irresponsabilidade é dicirlle os veciños que se lle van facer unhas obras e eses veciños seguen esperando por elas ano tras ano.

* Irresponsabilidade é ir escornando contra todo aquel que non esta dacordo convosco.

* Irresponsabilidade é ir recordándolle a xente que ou traballou no concello ou ten pendente unha licenza para que sirvan o PP, inda que estas prácticas son máis caciquís que outra cousa.

* Irresponsabilidade é cobrar un megasoldo por non facer nada.

* Irresponsabilidade é ser unha marioneta o servizo duns poucos.

* Irresponsabilidade é ter unha chea de técnicos e cometer os erros que se cometen sen depurar responsabilidades.

* Irresponsabilidade é gobernar Sanxenxo sen ter idea do que iso implica.

Alguén dixo que a veces a mellor defensa é un bo ataque pero si para defender unha actuación do grupo do goberno teñen que quedar co cu o aire por falta de argumentos iso é rirse dos veciños de Sanxenxo. Asi que me parece que en Sanxenxo hai moitos irresponsables.

Agora que tamén o teatrillo que as veces sae na prensa de ataque entre o PP e o VIPS tamén me parece irrisorio porque moito enfrontarse a través de notas de prensa para logo nos plenos ir agarrados da man e levantala o unísono, 9 concelleiros levantan a man dos cales 8 a levantan sen rechistar por si las moscas e o decimo concelleiro a levanta do argumento de “non estou dacordo pero apoio o grupo municipal que goberna”

Por iso tenente alcalde voulle recordar o que dixo David Viscot, recoñecido psiquiatra estadounidense, no seu día: “Aceptar a nosa vulnerabilidade en lugar de tratar de ocultala é a mellor maneira de adaptarse a realidade”