2010

Desexarvos un bo 2010.





PD: coidado coas uvas.

Resumo do feito en 2009

Falta un día para rematar o 2009 e por iso vamos ver dos investimentos que tiñan previsto para este ano cales foron executados e cales non:

Parte dos investimentos corresponden a pagos de anualidades como son os items: 2,27,28, 34.

O plan director non se comenzou a executar e sobre o plan director falarei nuns días xa que merece un capitulo aparte.

E en resumo as obras que se fixeron foron case todas do plan E.

1	Subvención Igrexa Noalla	Si
2	Casa Concello	Si
3	Interruptores diferenciais	Suponse que si
4	Plan Director	NON
5	Investimentos varios	Suponse que si
6	Gardería Revel	NON
7	Plan Director	NON
8	Estudo Xeotécnico gardería	NON
9	Centro sociocultural Revel	NON
10	Estudo Xeotécnico centro sociocultural	¿?
11	Terrenos PEI 17	¿?
12	Liñas de baixa tensión e alumeado Carabuxeira	SI
13	Instalación alumeado público parroquia de Nantes	SI
14	Praza da Adina	SI
15	Plan Director	NON
16	Mellora de áreas infantis	SI
17	Plan Director abastecemento e saneamento	NON
18	Aportación concello plan director	¿?
19	Colector de pluviais en Salgueira – Vilalonga	SI
20	Recollida de pluviais en Carabuxeira – Padriñan	SI
21	Colector Pluviais en Vilar – Vilalonga	SI
22	Contenedores soterrados	¿?
23	32nichos funerarios cemiterio de Dorrón	SI
24	Mellora edificio sociocultural Vilalonga	SI
25	Rehabilitación casa cultura Bordóns	SI
26	Cidade deportiva	NON
27	Campo fútbol Noalla	SI
28	Campo fútbol Vilalonga	SI
29	Reforma pavillón Baltar	SI
30	Arranxos pazo de Quintáns	NON
31	Pavimentación de vial en Contumil	SI
32	Pavimentación da rúa Coruña	SI
33	Reposición firme e servizos rúa Rosalía de Castro/Vigo	SI
34	Humanización Portonovo	SI
35	Plan Director	NON
36	Pavimentación vial en Piñeiros – Vilalonga	SI
37	Pavimentación vial en Gondar- Vilalonga	SI
38	Pavimentación vial en Dadín – Vilalonga	SI
39	Pavimentación vial en Seixal – Padriñan	SI
40	Ensanche de vial en Lagarei – Vilalonga	SI
41	Pavimentación vial en Sear – Bordoóns	SI
42	Limpeza cunetas Nantes	Suponse que si
43	Plan Director	NON
44	Pavimentación Catadoiro – Paxariña e outros	¿?
45	Colector pluviais e pavimentación en Lagarei	SI
46	Auga e pavimentación en Dadín- Nantes	SI
47	Pavimentación viais en A Granxa – Dorrón	SI
48	Pavimentación viais en Costa e Magaláns – Dorrón	SI
49	Acondicionamento acceso núcleo Nantes	SI
50	Pavimentación e canalización servizos núcleo Bordóns	SI
51	Paso de peóns elevados	SI
52	Ensanche e pavimentación vial en Barreiro – Dorrón	SI
53	Saneamento e pavimentación en Miraflores	SI
54	Acondicionamento estrada as canteiras – igrexa – Noalla	SI
55	Servizos urbanos e pavimentación en Baltar – Adina	SI
56	Diferencia enlace vía rápida	SI
57	Mellora estrada Bordóns – Nanín	¿?
58	Marquesiñas para bus	SI
59	Reforma mercado abastos Vilalonga	SI
60	Abastecemento de auga e pavimentación en Aldariz – Bordons	SI

Investimentos en Azul: Feitos polo Concello

Investimentos en Vermello: Plan E

Investimentos en Verde: outras administracións

Agora habera que esperar a ver a liquidación do 2009 para poder saber si aquelas partidas na que non se sabe o seu estado foron executadas ou non.

E si non chega a ver o Plan E ¿que se houbera feito neste concello?

Outro canto ao Sol

Seguimos a voltas coa casa de cultura de Dorrón xa que agora a alcaldesa sorprendenos co seguinte: " El Gobierno local estudia ubicar la nueva Casa de Cultura de Dorrón en una parcela de titularidad pública situada en el Suelo Urbanizable nº 1, entre los lugares de Os Cotos y A Granxa. Así lo aseguró la alcaldesa de Sanxenxo, Catalina González.

“Pensando na posibilidade de que os terreos adquiridos no entorno do CEIP Magaláns sexan necesarios na súa totalidade para a ampliación do colexio, barallamos a posibilidade de construír a Casa de Cultura neste emprazamento”, señaló la regidora, quien destacó que esta parcela cuenta con unos accesos “inmejorables”, una panorámica “espectacular” y una amplia zona de aparcamiento." Así o dixo na visita que fixo hoxe a maña o SU1 como se pode ver na foto sacada da web do concello.

Unha vez queda demostrada a incapacidade e a improvisación deste goberno, xa que estes días Tino dícia que se ia facer xunto o colexio de Magaláns, nos terreos que sobrasen da ampliación do colexio e agora resulta que o mellor non sobran terreos e a facemos na Granxa e agora Catalina di que mellor no SU1.

O seguinte é saber a opinión dos veciños xa que habera zonas que queden un pouco alonxadas, dando a sensación de que se alonxan os servizos en vez de acercalos como poden ser Rexenxo, Freixeiro, Recarei, Barreiro, Outeiro ... e sin poder obviar que habera quen pense que se fai a casa de cultura nunha zona residencial de segunda vivenda, porque cos precios que se baraxan non creo que moitos veciños de Dorrón poidan mercar ali, e por moi espectaculares que sexan as vistas, o que esta claro e que aparcamento vai a ver de sobra no inverno, neso ten razón a alcaldesa, outra cousa sera no verán.

Este non vai ser o último capítulo a escribir sobre esta casa xa que se vai facer cos fondos ZP e para eso so hai un ano: recepcionar os terreos municipais, facer o proxecto, facer a obra, ... seguiremos agardando.

Dorrón recibe o seu agasallo

Como non podía ser menos a parroquia de Dorrón recibiu a visita adiantada dun "Noel" que non trouxo boas noticias e menos para a alcaldesa.

Hai uns días Tino anunciaba a bombo e a platillo que " un estudo encargado pola Xunta De Galicia a unha empresa especializada e independente descarta que as condicións do pavimento sexan as causantes da siniestralidade da PO-308" entón agora agardan a que a xefatura de tráfico diga as posibles causas. Para logo vir Salvador anunciando que se van a tomar medidas nunha próxima reunión pero o que non contan é que xa é casualidade que proteccion civil, tráfico e unha brigada da Xunta estiveran limpando o asfalto e un dos motivos é porque o asfalto esta esbaradizo. Entón que me expliquen si o asfalto ¿ten que ver ou non?
Todos pasamos por esa carretera moitas veces e coñecemos como esta a curva dende o que esta "peraltada ao reves" ata os regos de auga que a cruzan cando chove ou o estado do asfalto.

Pero o que se olvidaron de contarnos foi que o día 22 a aa. vv. de Dorrón tivo a visita de Touris durante hora e media, ah claro, como ian sabelo se ningún do grupo municipal estaba convidado. Antes cando viña alguén do goberno a calquer evento era acompañado por alguén do goberno pero agora ven o superdelegado e non vai ninguén, vamos agora puntease o concello e a alcaldesa descaradamente, si primeiro foi CODESEVI agora son os de Dorrón. E para iso que a alcaldesa e o superdelegado son do mesmo partido. E agora xa non é a culpa do Bipartito, acabaronse as excusas.

A consecuencia de todo isto é que dende o concello se apuran a adiantar as conclusións dun estudo para non revelar nada nin que os veciños vexan solución a un tema tan grave como son os numerosos accidentes que se producen nese treito.

Eso si, deixan claro que por velocidade non é xa que dende o concello se encargan de ter o radar a miúdo ¿seguridade ou recaudación? Oxala que os "Reis " se porten mellor e as solucións sexan reais e non simples deduccións para encher un trozo dos xornais.

Sanxenxo en Nadal

Dende As Cousas de Sanxenxo BO NADAL E FELIZ ANINOVO 2010.

(preme na foto para vela en grande)

Desexarvos o mellor nestas festas e que o ano novo nos traiga parte do ansiado por cada un de nos. Que o pasedes ben.
Felicitar especialmente ao meu equipo gráfico de humor iGa e ñeZ por sacarnos un sorriso coas suas viñetas. Dar as gracias aos que cos seus comentarios e correos dan a coñecer o que pasa en Sanxenxo e outro punto de vista.
E como non aos medios cos que este blog colabora. E a tódolos lectores do blog desexarvos unhas BOAS FESTAS

GC anticorrupión

Sanxenxo ten a honra de inaugurar a sección do xornal Galicia Confidencial chamada GC anticorrupción.

Para abrir esta sección faise un pequeno resumo do acontecido en Monte Faro e a devolución dos cartos solicitada polas promotoras dos SU 13 e SU 14.

Para ler máis preme aqui.....

A visita de Touris

O titular de hoxe no Diario de Arousa é: "Cores Tourís mediará ante la Xunta para desbloquear los problemas de Vilalonga "

Da reunión que tivo CODESEVI co super delegado da Xunta en Pontevedra podense quitar as seguintes conclusión:

a) Si a na Xunta goberna o PP e no concello goberna o PP ¿porque ten que mediar o delegado? acaso deixan ver que Catalina non conta co suficiente peso na Xunta para ese papel.

b) Que CODESEVI non confia en Catalina e por iso recurren a axuda de Tourís para desbloquear os proxectos de Vilalonga.
Pero hai que dicir que CODESEVI se atopa nestes momentos a expensas de continuar ou desaparecer, todo depende o que pase na asamblea do día 15 xa que a anterior asamblea para a elección da nova directiva resultou ser un fracaso.

c) Revel: "Cores Tourís explicó a los vecinos que se trata de obras dependientes del “impulso local” aunque les indicó que estará abierto a “apoiar aqueles conovenios que o Concello propoña ante as Consellerías”." é dicir, que ata Touris di que si a alcaldesa non se move o Revel seguira igual, e agora xa non é culpa do bipartiro senón do "impulso local".

d) Subestación: "“Mostrouse totalmente de acordo con Codesevi, ainda que recoñeceu que a tarea entraña dificultades, xa que hai que negociar con Fenosa, que non é moi receptiva a estas cousas a non ser que os costes os asuma a administación pública”." Aquí non se aclaran nin entre eles, o secretarío de Industria di que o lugar é o ideoneo e o resto ante os veciños din que hai que trasladala. Pero dame que lle teñen medo a Fenosa xa que din que negociar é moi duro, pois máis duro é ver o recibo a fin de mes e non ter o suministro axeitado.

En conclusión, CODESEVI recurre a Tourís porque xa non confia en Catalina, agora os veciños saltanse a administración local gobernada polo PP porque saben que as peticións e as promesas caen en saco roto.

E de paso, Tourís tamén se pudo pasar por Dorrón e darlle unha solución ao tramo da estrada de Areas aos Cotos, pudo pasar pola Lanzada en dirección Portonovo e darse conta da necesidade de seguridade vial que ten ese tramo pero tamén pudo pasarse polo polígono e comprobar como a maleza o esta invadindo.
A partir de agora si un colectivo quere solucións mellor ir a xunto o Super-Delegado, outra cousa é que sexa bo mediador.