884 identificados.

“La policía local identificó este verano a 884 jóvenes consumiendo alcohol en zonas públicas”

Este é o titular da nova que hai uns días podía ler na web do concello e que logo saiu en tódolos xornais. Por iso vou analizar os datos que nos aportan:

• 7,2% son xovenes de entre 15 e 17 anos e a maioría dos participantes van dos 18 aos 20: Sempre se queixaron que o Noitebus traia a menores aos botellóns, polos datos que ofrecen inda que hai moitos menores quédanse sen escusa.

• 78,95% son galegos, dos cales 48,13% son de Pontevedra. 259 pontevedreses en xullo, 77 en agosto e 87 coruñeses en agosto: ¿porque non din os datos das outras provincias españolas? Acaso ¿queren facernos ver que os culpables dos botellóns somos maioritariamente os galegos e o resto de españois son uns santiños.?

• De Pontevedra son 108. de Vigo 77, de Sanxenxo 10: ¿que nos queres dicir con estes datos?

• Requisaron 312 botellas: 884 identificados entre 312 botellas saen que por botella beben case 3 rapaces.

A min dáme que estes datos son moi irreais porque todos sabemos que calquer noite de fin de semana hai máis de 884 rapaces facendo botellón en Baltar, sen ir mais lonxe o venres da concentración os mozos paseábanse por diante da polícia local con vasos de litro de plástico e non era precisamente auga, mentres a policia local facía a vista gorda, claro dirán que ese día estaban para controlar aos moteros pero as ordenanzas son para cumprir e aplicar tódolos días.

Esta situación pasa a miúdo nas noites de verán e senón que llo preguntes os que viven cerca dos lugares onde se xuntan mozos por iso que nos digan que identificaron a 884 rapaces como se houbesen entrado no libro Record dos Guiness por ser os máis cívicos. Non sei cal é a pretensión nin o afán de estar dando continuamente cifras, era mellor que fixesen un balance máis real da situación e non ter que ler unha nota de prensa.

¿Porque de que vale que a principios de Xullo fixeron unha campaña informativa da ordenanza si a maioría dos que estaban en Xullo en Agosto xa non estaban?

Pero supoño que hai que saír na prensa para facer crer os veciños que estan a traballar e entón que mellor que soltar uns datos así mentres non están informando da realidade do concello. Pero xa o concelleiro desta área nos ten acostumados a este tipo de datos.

¿Porque non nos din os datos de cantos nenos quedaron sin praza de garderías? ¿cantos teñen que recorrer as garderias privadas ou de Dena porque en Sanxenxo estan sen facer?¿Porque non din cantos familias precisan de prazas de comedor e non hai suficientes?

A invitación

Esta é a invitación que mandaron para o acto do día 19, como veño dicindo dentro duns días vou comentar con detalle este acto pero agora quero que miredes as últimas liñas.


Premede na imaxe para vela en grande e poder lela con claridade.

Si Castelao levantase a cabeza.

O domingo na Revista da Adina aparece a presentación dun “Acto conmemorativo 30 aniversario de Corporacións Democráticas”, onde aparece a listaxe das corporacións dende 1979. Aparecen as fotos dos alcaldes de Sanxenxo e das dúas primeiras mulleres que formaron parte dunha corporación municipal en Sanxenxo.

Pero cal é a miña sorpresa que aparecen 4 fotos de 4 homes que non se corresponden cos 30 anos na democracia que van a homenaxear:

Jose Piñeiro González, Leopoldo González Pombo, Jose Pita Duran e Migue Angel Bótana Castro.

Estes catros homes corresponden a época da ditadura co cal non sei porque aparecen as súas fotos nun panfleto publicitario dun acto da democracia.É tal a incongruencia que se produce que mencionan un acto dende o 1979 en diante e sacan fotos doutra época.

Non sei cal é a intención de sacar estas fotos, si é un acto para festellar a democracia ¿Porque motivo aparecen as fotos dos alcaldes da ditadura? Ou sera que estes alcaldes da ditadura tiñan os mesmos miramentos que os celebrantes.

O texto esta firmado polo representante do PG en Sanxenxo e por iso voulle recordar algúns datos:

• O PG fundase en 1931 e entre os seus membros é simpatizantes atópanse: Castelao, Bóveda, Risco, Otero Pedrayo.

• No 1936 tras a Guerra Civil comeza a represión dos militantes galeguistas e algúns dos seus dirixentes como: Xoán Carballeira, Anxel Casa, Lustres Rivas, Camilo Días Baliño, Victor Casas ou Alexandre Bóveda son FUSILADOS e outros moitos marchan exiliados.

Da realización do acto falarei máis adiante pero non podía deixar pasar esta falta de “respeto a democracia”, e o digo así clariño, porque non sei si pretenden levantar sensibilidades, gañarse puntos ou facer que moitas persoas se lembren de feitos que mellor queden no pasado. Teño familiares que naceron entre o 1920 e o 1930 e saben o que é vivir nunha república, nunha ditadura e nunha democracia monárquica e as palabras máis repetidas que dixeron cando viron isto foi:” burla, innecesario, desfatachez, perdida do norte...” e eu engado: “patético, irresponsabilidade, osadía”.

Dos erros do pasado hai que aprender para non volver a cometelos pero cando vemos que se estan eliminando os símbolos franquistas, que non se permite facer máis actos conmemorativos no "Valle Dos Caidos" e resulta que nesta revista aparecen como se fosen homenaxeados. Non che entendo nadiña: ¿un Partido Galeguista vai homenaxear a alcaldes da ditadura? que mo expliquen. E digo ben o PG é quen fai o acto, pero isto vouno contar con máis detalles dentro dun días. Sinceramente si isto esta feito con intencionalidade pareceme unha PROVOCACION.

So quero recordar unhas verbas de Castelao no seu libro “Sempre en Galiza”: Cando un home sabe que a realización dunha idea vai producir a felicidade do seu pobo e a salvación da súa patria, non debe recuar ante a posibilidade do triunfo,...., porque o home que dubida e teme no intre de realizar o ideal que predicou e non ten coraxe para manterse no seu posto de perigo, ou é un farsante ou é un coitadiño.

Concentración de motos

Esta é a foto que sae na Voz de Galicia para informar que en Sanxenxo se esta a facer unha concentración de motos.
¿Onde estan as Mulleres pola Igualdade? porque que eu sepa neste tipo de espectaculos non sae un rapaz en slip para que a moto se pare en frente, senon que usan a unha rapaza.
E logo vamos abanderadas de querer igualdade, xa sei que me van a acusar de que non sei de que vai o tema este pero asegurovos que este tipo de espectaculos segueme parecendo sexistas e claro por un lado aplaudimos e logo reinvindicamos igualdade, todo pura hipocresía.
Os meritos conseguesen con traballo e seriedade e non a costa da loita polos dereitos das mulleres.

Policía urbanística ¿para que serve?

"O director da Axencia de Protección da Legalidade Urbanística ditou, con data do 15 de xullo de 2009, resolución pola que se lle impón unha multa coercitiva no expediente da reposición da legalidade urbanística 107 B 2007/103-0 a E. S. V. como consecuencia do incumprimento da Resolución do 28 de xaneiro de 2009, pola que se declara que a actividade industrial que se desenvolve nunha nave no Tombelo, parroquia de Noalla, Sanxenxo, sen autorización urbanística autonómica, non é legalizable por ser incompatible co ordenamento urbanístico vixente, impide definitivamente a actividade industrial que se desenvolve na nave e ordena a reposición dos bens afectados ao estado anterior ao incumprimento da legalidade." (Doga 9 setembro. pax. 21)

A situación desta nave xa foi comentada máis dunha vez pero o tempo pasaba e este final viase vir e ¿que se fixo dende a Xerencia de Urbanismo? NADA, a nave seguiase a usar como si tivese licenza. Esta é outra proba da ineficacia da Policía Urbanística pois esta nave leva traballando moito tempo e agora pidese o seu peche e claro ¿o concello recurrirá como noutras ocasións? e nos tempos que corren xa vemos os donos apelando a que a xente vai quedar na rúa, sen traballo pero eso son as consecuencias de non paralizar as cousas antes. ¿Estamos ante outro "Armarios Alonso"?
O polígono segue pechado sen que as empresas poidan trasladarse e o concello segue mirando para outro lado e agora non lle poden botar a culpa ao bipartito.

Piragüismo

Hoxe lendo a sección de deportes dalgún xornal volvin ser testigo da mala xestión do grupo de goberno. A día de hoxe o clube de piragüismo so sabe que hai un deseño pero por moitas visitas que fixo a alcaldesa últimamente a Santiago non hai un convenio firmado para a execución das obras.

Non me vale a excusa de que falta algún informe por recibir pois a parte de ter un deseño hai que ter un orzamento para realizar a obra sexa na ubicación para a cal fixeron un modificación puntual do PXOM ou noutra.

E digo todo isto porque onte en Ribadumia inaugurouse as instalacións do seu clube: “El club de piragüismo Náutico O Muíño de Ribadumia es desde ayer un club enormemente afortunado. El presidente de la Deputación de Pontevedra, Rafael Louzán , presidió junto a la alcaldesa, Salomé Peña , el acto de inauguración de las remodeladas instalaciones del complejo náutico-deportivo de la localidad de origen del propio Louzán, en las que el ente provincial ha invertido en los últimos años la friolera de 600.000 euros. Todo, para que los palistas locales y su club den un nuevo salto de calidad en la enorme progresión que están demostrando en los últimos años. ” (A Voz de Galicia).

¿Porque a alcaldesa non negociou coa deputación? Xa sei que estes últimos anos ir a Santiago suporia un Via Crucis para a alcaldesa pero pudo recurrir o seu amigo Louzán e ir xestionando algo, pero non, acordalles agora esta obra tan demandada pero a realidade é que a día de hoxe non hai un so convenio firmado e o concello non ten capacidade económica para facer fronte a esa obra, así que a seguir esperando.

Festas

As festas patronais da parroquia de Padriñan e da vila de Sanxenxo eran feitas polo pobo e para o pobo, ata que chegou Telmo Martín e decidiu que esas festas as faria o concello, ata inventaron o chupinazo como si esto fose Pamplona en plenos San Fermíns, cada pobo debe respetar as súas tradicións e non importar outras porque pode acabar convertendose todo nun circo.

Claro que as festas deben evolucionar e adaptarse os tempos que corren pero non a golpe de talanorio senon con orixinalidade e pensando na xente que mantivo a festa ano tras ano.

Tódolos anos traiase un artista ou grupo para darlle notoriedade as festas ata que pouco a pouco todo foi decaendo e este ano coa excusa da crise volveuse ao formato tradicional das festas das orquestas.

Pero sin mencionar os concertos que se producían fora da semana das festas, é dicir, dende o 25 de agosto ata o 4 de setembro. Como pode ser o concerto de Julio Iglesias no 2002, as galas de televisión, a gala Escoita Sanxenxo que trouxo o ano pasado a Bustamente ou os celebrados polo Xacobeo.

Por iso vamos facer un pequeño repaso dos últimos anos das festas de San Xenxo e Santa Rosalía.

2000: Pregoeiro: Liborio Garcia.Concierto Tocan Latinos: Ariel Rot, Café
Quijano e Danza Invisible.

2001: Pregoeiro: Luis Zahera. Concerto dos Panchos

2002: Pregoeiros: Guillermo Summer e Ignacio Salas. Concerto de los Sabandeños.

2003: Pregoeiro: Carlos Blanco. Concerto de Tamara e o de Hombres G

2004: Pregoeiro: Javier Veiga. Actuación de Monste e Luis Queimada

2005: Pregoeiro: Candido Pazo. Concerto de Santa Justa Klan.

2006: Pregoeiro: Paco León. Concerto de Azucar Moreno.

2007: Pregoeira: Carolina Cerezuela e concerto de Shaila Durcal. Orzamento: 195.000€

2008: Pregoeiro Dani Delacámara e concerto de Sergio Dalma.

2009: Pregoeiro: Serxio Pazos.