Como cambian as tornas

“El delegado provincial de Vivenda, Eudoxio Álvarez, aseguró ayer a los afectados por el Plan Sectorial de Padriñán que éste no se desarrollará en caso de no lograr el consenso vecinal. También afirmó que nunca se hubiese presentado si la alcaldesa de Sanxenxo hubiese hecho alguna alegación verbal a la ubicación en la reunión en la que se le presentó el proyecto, el pasado 8 de septiembre” (Diario de Arousa) Polo visto dende o 8 de setembro a Alcaldesa xa coñecía este plan e non dixo nada os veciños ata que estes lle petaron na porta a preguntar e o ver que se montaba unha revolución que mellor ocasión para aproveitar e sumarse as protestas que veñen eleccións. ¿Porque non convocou unha reunión antes para explicarlles os veciños dito plan de Vivenda? “a alcaldesa «non fixo a máis mínima alegación en contra da ubicación seleccionada», subrayaron las fuentes de Vivenda “ claro como ía a facelas sen saber antes si o galiñeiro se ía alterar ou non, porque nese momento puído ofrecer a consellería terreos municipais para facer esas vivendas pero nin se planteou esa posibilidade polo que se pode ver, pero bueno xa que temos tantos avogados no concello que traballen agora nas alegacións para que así os veciños o vexan, as cousas hai que facelas no seu momento e non ir escornando.

“«O obxectivo da consellería é adquirir a totalidade do terreo de mutuo acordo ou por permuta entre solo bruto e solo urbanizable con destino a vivenda protexida ou a vivenda libre de prezo limitado», detallaron desde la Xunta.” despois leo esto e non vexo a palabra expropiación pero si a de PERMUTA entón ¿de onde saìu que se ía expropiar?

“«Vivenda entende que Sanxenxo é un concello especialmente necesitado de vivenda de calidade a prezos que podan pagar os seus cidadáns» ” pois claro que si, que se necesita vivenda a un prezo razoable porque moito anunciar que 600 persoas se anotaran no listado de INSULA solicitando vivenda e a día de hoxe ese listado debe estar nun caixón olvidado como o informe ISA do Revel.

Pero o parrafo máis aclaratorio é o seguinte: “La explicación del delegado despejó las dudas de los vecinos sobre una posible reubicación en Padriñán del poblado de Poio. “Nos dijo que eso no era viable, que las viviendas se construirán en un periodo de 10 años y que Poio tiene que tener resuelto el problema mucho antes. Los vecinos no tienen problemas con los gitanos, lo que no queremos es que se traslade aquí el problema de drogas que conlleva O Vao”. ” Esto deixa en evidencía moitas das faladorías que puidemos escoitar estes días e de fondo un problema racista co cal se intentaba incitar as masas para que protestasen.

Polo tanto lendo todo o que se publicou estes días estas son as miñas conclusións:

* Sanxenxo necesita vivenda a un prezo razoable.

• O concello oculta información os veciños ata que estes demandan información.

• A famosa expropiación non é tal como nola quixeron vender.

• Padriñán é tan boa zona como pode ser Nantes, Vilalonga ou Noalla, entre outras.

E sobre todo quero recalcar unha frase que lin hoxe na prensa e na que estou totalmente dacordo: « Sanxenxo lonxe de preocuparse por construir vivienda protexida, subastaron o solo de titularidade municipal que debía ter sido destinado a este tipo de vivenda».

¿Cales son as vosas conclusións? ¿VPO si ou non?

Guetos pudientes si, guetos para os mozos de Sanxenxo non

Din que no Nadal a xente se volve máis compracente e altruísta pois esto mesmo parece que esta a suceder en Sanxenxo: máis compracentes coas malas mañas, máis compracentes cos de sempre, máis compracentes e obedientes aos intereses particulares.

Recordo cando xustificaron a creación de Insula pola necesidade de vivendas para mozos e había máis de 600 solicitantes, pasados os anos estou moi contenta:

• Insula creou unha chea de vivendas e os mozos non se marchan a outros concellos.

• Os promotores adican o 10% a vivenda con algún tipo de protección, igualiño que Telmo fai en Navia (Vigo).

• Os cobradores dos cazos xa non se pasan tanto polas obras e os sobreprezos xa son cousa do pasado.

• O fin podemos dicir que o soldo do concelleiro de urbanismo valeu para algo.

• Pero do que máis me aledo e que por fin os salvapatrias de turno XA SON HISTORIA.

Falan de que a Consellería de Vivenda vai facer un Gueto en Padriñán e para iso montan unha plataforma dirixida e encabeza polos mesmos de sempre, polos mesmos que nos levaron os veciños de Sanxenxo a pagar un enlace a un POLÍGONO PRIVADO por partida dobre é mellor que veñan grandes promotores a construír vivendas a prezos desorbitados pero claro iso como é gueto de luxo non dicimos nada, porque digo eu: os SU tamén serán guetos, pero guetos para persoas pudientes e que non vai ser que Sanxenxo deixe de ser elitista ou será que os de Nantes queren que se faga en Nantes porque o que non ten lóxica e convocar os donos de terreos de Padriñán en Nantes, ah será porque en Sanxenxo os numerosos locais públicos estaban ocupados polas numerosas actividades do concello. E digo eu ¿si Vivenda construise en Nantes nuns terreos sen valor farían a mesma plataforma? ¿acaso todo esto é porque nesa zona se prevee un desenrolo privado con maiores beneficios?

Magoa me dou ver como en Sanxenxo ese 10% que correspondía a VPO foi vendido claro será porque un veciño de Noalla non ten a suficiente clase para vivir en Monte Faro ou que os de Dorrón non estan a altura dos que van mercar segunda residencia en Festiñanzo e logo non somos racistas e non queremos guetos. Mentras aquí Telmo e agora Catalina eximen os promotores dese 10% logo andamos detrás de cada adxudicación que saca Vivenda e como no caso de Navia sobrevaloramos o valor do piso en negro pero tendo en conta que o de “en negro” debe estar de moda agora saen aspirantes a ser o novo OBAMA de Sanxenxo.

Pero o máis irrisorio de todo e ver como os “veciños” piden que vivenda negocie cos promotores que teñen pisos baleiros e así que eses son os que salgan a concurso público: mirade queridos “veciños” xa esta ben de mirar polos promotores que a costa dos nosos soldos se puxeron as botas, si tan preocupados están que poñan os pisos a prezo de mercado real e non a prezos da Rúa Serrano de Madrid, que bonito era cando se vendía os de fora e se enchían os petos en menos de nada, ¿algunha vez se preocuparon polos mozos de Sanxenxo? ¿algunha vez intentaron por medios para que os veciños de Sanxenxo poidesemos ter a posibilidade de mercar en Sanxenxo a un prezo razoable? Entón a que ben agora saír en defensa e crear plataformas, non recordo ver unha plataforma en defensa do gueto da Granxa, ou do gueto de Major, ou do gueto de Bordóns.

Patético me parece ver como o pouco o que podemos chegar e se nos pode ofrecer sublevámonos contra elo, pero logo van os fillos ou netos solicitar un piso con algún tipo de protección porque o resto non podemos chegar a eles. O problema é que en Sanxenxo non hai Poceros senón ESPECULADORES, estomagos agradecidos.

Vergoña lle debería dar a moitos entrar en certas cuestións politizadas sen valorar os beneficios que poidan xerar, vergoña me daría ser a causante de que os meus primos se vaian vivir a Barrantes, a Dena, a Poio ou a Navia porque aquí o único que sabemos facer é mirar para os petos e ser marionetas nas mans dos mesmos.

Que máis da MEXAN POR NOS E SEGUIREMOS DICINDO QUE CHOVE. Parece que TODO VALE

A VACA XA NON TEN MAIS LEITE

Este artigo foime enviado por O Con, pareceme un tema moi interesante. Aquí volo deixo para que poidades opinar.

Afeitos a beber leite do tetabrik sen reparar que a súa orixe estaba no ubre da vaca , agora dinnos que o leite non vén do cartón de plástico e que a vaca ten so catro tetos e escasean os pastos. O goberno trata de aliviar o problema concedendo axudas ás multinacionais do tetabrik.

Nunca houbo desgracia na que xente rica e espelida non lle sacase proveito económico (recordo certos comportamentos na crise do Prestige).

No día a día observamos con estupor como os cartos públicos van parar ós bancos e grandes empresas e fannos crer que esta é a única solución para sair desta crise. É dicir, os culpables da situación de expansión ou especulación desaforada aparecen como víctimas e volven a encher o seu saco coa anuencia dos partidos políticos (pp e psoe) e resignación da sacrificada cidadanía contribuínte.

Tamén teño que dicir que neste país inda hai xente que nos engatusa con aquelo de que a forma de axudar ós pobres é dándolle aos ricos. Eu, resístome a recoller as migallas que lle sobran ou deixan outros.

Nesta esquizofrenia, os señores Louzán e Crespo de Lalín, aproveitan para pedir máis cartos para os Concellos, co pretexto das dificultades para pagar as nóminas dos funcionarios no vindeiro ano, dando por certo aquel dito de “a río revolto gañancia de pescadores”.

Estes señores decatáronse de que a vaca non ten máis leite e o que produce non chega para manter a todos. A min de pequeno sempre me enseñaron a vivir dentro das miñas posibilidades sen estirar máis a man que a manta, se non quería pasar frío.

Na época de vacas gordas, de bonanza e expansión, tamén de especulación, o Concello adicóuse a gastar e muxir da ubre como se fose unha fonte inesgotable de recursos (grandes soldos para todos concelleiros- obras sen sentido, coma un Concello novo que non sirve para ter todas as dependencias administrativas, e logo temos que alugar outros locales a prezos tamén desorbitados. Non se priorizou no gasto e marcáronse inmobles que hoxe están en ruinas e abandoados por falla de recursos para o seu mantemento. Creación de múltiples sociedades con Administradores, Xerentes e Asesores, con difícil xustificación. Excesiva contratación de persoal de confianza para dar emprego moitas veces a compromisos do partido (secretarias, prensa, asesores…etc). Festas, romarías, xantares, ceas e fogos de artificio a escacha. Tampouco podemos esquecer políticas de confrontación con outras institucións en lugar de convenios para aliviar certos costes, como por ejemplo no Centro do Día e na educación pre-escolar.

Agora decatáronse que gastaban por enriba das posibilidades, os ingresos ordinarios non son suficientes para manter este novo estilo de vida, e a vaca xa non dá máis leite.

Neste dislate aparecen os imitadores dos G-20, Sres.Louzán e Crespo, pedindo unha inxección de diñeiro para os Concellos, culpables únicos desta situación de gasto desaforado, utilizando as nóminas dos funcionarios como argumento para mostrarse vítimas e sacar rendemento económico, con cargo aos contribuintes.

E, de inxectárselle diñeiro ós Concellos serviría para gastalo do mesmo xeito, e dentro dun ano voltariamos á mesma situación.

Ata agora as medidas de inxectar diñeiro non valeron para nada se non van acompañadas doutras para conter o gasto, e investir en producir

Pero estamos tan ocupados maquinando cómo facer máis cartos (para nos e os nosos secuaces), que non atinamos a descubrir novas formas de equilibrio orzamentario que beneficien a toda a cidadanía.

E os pobres veciños, tan sumisos eles, ata son capaces de crer o que lles din, e sentir mágoa polos pobres mandamases.

O Con

Fotos denuncia

Estrease a nova sección do blog: A FOTO DENUNCIA

Para a súa estrea estas fotos recibidas onte, que foron sacadas onte a maña diante do concello según me contan no mail.

E a pregunta que fan é a seguinte: ¿que prima a accesibilidade dos minusvalidos ou o dispositivo de seguridade por unha manifestación?

porque sempre queda aparcar na rampa que sube po concello ou noutras zonas.

A realidade do centro de día

Preme na imaxe para ver en grande

Esta claro que os velliños so contan na época electoral cando fan falta os votos e van candidatos populares a darlles biquiños e agora por fin descóbrese que o servizo do Centro de día é un escándalo e a esta hora todos os que viron TELESALNES non deben dar creto o que escoitaron porque ¿como se sentiran as persoas que teñen alí os seus maiores e se enteran desto?

Nos últimos días faltaron suministros de comida e os provedores deixaron de levar provisión e os vellos se lles dou a mesma comida durante varios días, logo seica falta persoal porque non cobren as baixas, falta o terapeuta e as pobres empregradas intentan que os vellos non se vexan perxudicados por esta situación ¿cal é o tipo de servizos que se ofrece?

O que pasa é que se quere abarcar todo e cando non se da pa máis pasa o que pasa, todos os usuarios pagan unha cota por estar alí e a maioría teñen as facultades mentais mermadas co cal non son conscientes do que pasa e ata o de agora esto estábase levando moi oculto. Pódese sentir orgullosa señora alcaldesa do que esta a suceder en dito centro.

E todo esto deriva por falta de CARTOS, e logo presumimos de ter os mellores servizos sociais da comarca. Vergoña me daría estar a cobrar un soldo que non me corresponde cando persoas maiores están a sufrir penurias alimentarias e sanitarias e logo aireamos que temos un CENTRO DE DIA MUNICIPAL, pois si é municipal os únicos responsables do que sucede alí e a persoa responsable da política social, e dicir, a alcaldesa. ¿De que presuminos entón? de que mentres uns comen pasta 3 días seguidos outros van o Ritz

Se o final a culpa de todo o teran os propios usuarios por ter diabetes, tomar sintrom, ..., mentres que as verdadeiras responsables seguen tan anchas. Agora entendo porque non se convocou nunca a Comisión de seguimento non se fora a descubrir as carencias, espero que haxa unha investigación a fondo e que se tomen as medidas oportunas.

Veremos maña o que di a alcaldesa, porque a min non me vale que diga que lle pagou a empresa concesionaria senón se vixia o cumprimento do contrato, e que aquí como estan acostumados a cobrar e non facer nada logo topámonos con cousas así. " ó tempo que achegaron ós medios de comunicación os xustificantes de pago á empresa concesionaria do Centro de Día do que vai de ano por valor de case 437.000 euros." ¿é cando foi pagado esto? ¿hoxe? ¿o sabado? ¿a semán pasada? porque o xustificante non é a fotocopia dun pagaré senon o extracto bancario no cal consta que ese importe foi retirado pola concesionaria, que todos sabemos xeitos de xustificación sen ser tal. Isto é conto de sempre pagase e non se vixía inda que me da que saldran máis cousas a luz pública e senón tempo o tempo.

Hai uns meses houbo un incendio no centro de día e os velliños foron evacuados polo persoal como poideron, moitos deles foron sacados a rúa en sillas de oficina porque as sillas de rodas non chegaban, o centro de día non tiña previsto un plan de evacuación nin de incendios e menos mal que os bombeiros estan a 3 minutos de alí, os usuarios foron sentados nas aceras e por onde os puideron por e algúns familiares enteraronse días despois.

Esta claro que a xestión do centro de día é NULA

Pouco a pouco quedara todo o descuberto

Esta claro que o tempo é sabio e cando se fai unha política sen base, sen planificación e improvisando acabase por descubrir.

Hai uns días enterabamonos que o concello ía arranxar un par de espazos para habilitar comedores en dous colexios cando no pleno de setembro a concelleira de educación, Paz, dicía respecto a unha moción presentada por Sandra Fdez., do BNG, que esta medida era so un “panfleto” e votando en contra da moción, dous meses despois vemos como recua e se atribúe o mérito, pero haille que recordar que os arranxos dos coles lles corresponde o concello, que a súa labor e a de negociar con outras administracións: CONSEGUIR CONVENIOS, para acadar axudas para ofrecer servizos os veciños porque é moi doado deixalo todo nas mans das ANPAS.

«Ano a ano intentamos mellorar e ofrecer novas actividades co fin de colaborar no proceso educativo dos nenos e nenas do Concello», di a concelleira.

Esta claro que despois de 5 anos levando esta área nos sorprenda en novembro co programa de actividades para este curso escolar, Paz que os nenos levan no cole dende setembro, que case acaba o primeiro trimestre escolar e presentan dito programa que apenas ten novidades, esto faise no mes de setembro, e que os pais como teñamos que esperar a novembro para coñecer como é o programa escolar esta claro que a política educacional do concello é nula e ineficaz. Pero a ver se grazas as iniciativas do BNG comeza a preocuparse e a gañarse o soldo pero eso si, que deixe de ser de maneira improvisada que logo pasa factura e esperemos que a oposición siga reclamando estes servizos. Non me sorprendería nada que a principios de ano nos sorprendera coa iniciativa das aulas de espera, pero porque a oposición e as nais o solicitamos e xa veremos como o venderan como o gran descubrimento deste goberno.

Hai un dito que di que: cando sexas pais comeras ovos, pois é unha mágoa que para darse conta do que sucede no concello haxa que ter un neno escolarizado.

So fai falta ver a foto que sae na Voz de Galicia do pabellón do cole da Florida que máis que un pabellón de deporte parece un galiñeiro, iso é imaxe de calidade educacional do concello.

Por iso deixa de pensar nas eleccións autonómicas e céntrate máis no concello, inda que a promoción esta sendo unha carreira de fondo hai outra xente que esta por riba, o cupo de parlamentarios desta comarca xa ten persoas asignadas hai moito tempo por iso andas nerviosa e non é nada bo que se descubra que a liña a seguir e pura e dura IMPROVISACION.

Austeridade

“Las luces navideñas se incluyen, pues, en el plan de austeridad que el Gobierno local aplicará para tratar de minimizar los efectos de la crisis económica. “Rebaixaremos as contías de todos aqueles acontecementos que non teñen unha incidencia directa nas prestacións aos veciños, como os festexos e eventos, co fin de preservar o nivel de servizos fundamentais, como os sociais, educativos e formativos, dos que gozan os veciños deste concello”, argumentó la alcaldesa de Sanxenxo, Catalina González.” ¿festexos e eventos? ¿de cales?

Gustaríame saber cal é o PLAN DE AUSTERIDADE do concello, coñecer onde se van producir os recortes de gastos, esta moi ben reducir o gasto de luces dos 91.116,84 euros do 2007 ós 29.896,68 euros deste ano. Inda que tamén avisan que “La concejalía que dirige Paz Lago será, pues, una de las más afectadas por este recorte, aunque tal y como aseguró la edila, continuará el apoyo a los colectivos, tanto del ámbito cultural como educativo, y en general a todos los vecinos, “adaptando o apoio aos recursos dispoñibles, para que este difícil momento repercuta o menos posible nas iniciativas veciñais”. Por iso hoxe a maña xa estaban firmando os cheques e que isto de saír na prensa por falta de pago non che é boa prensa.

Os gastos de representación ¿estarán incluidos nese plan? Máis que nada porque o mellor para o ano en vez de ir o Ritz terán que irche a un loureiro, non terán manteis de fio pero seguro que os madrileños o agradecen máis por ser máis “ Galician Typical Papeo”.

Xa dicía Lincoln que “a demagoxia é a capacidade das ideas menores con palabras maiores” pero en Sanxenxo xa estamos acostumados a que as palabras as leve o vento.